Ende pa vendim për zgjedhjet serbe në Kosovë

18:04 | 30 Mars 2017
M. A.

Politikanët serbë ka ditë të tëra që janë deklaruar se zgjedhjet presidenciale serbe do të mbahen edhe në Kosovë. Por për një gjë të tillë, të heshtur kanë qëndruar qeveritarët e vendit.

Zgjedhjet në fjalë do të mbahen në fundjavë, kurse përpos në Serbi, këto zgjedhje pritet të zhvillohen edhe në Kosovë, aty ku ka banorë të komunitetit serb.

Të kontaktuar nga Indeksonline, Zyra për Informim e OSBE-së tashmë ka theksuar se janë duke vazhduar konsultat për një gjë të tillë.

“Konsultat po vazhdojnë. Për çdo detaj do të informoheni me kohë”, është thënë në përgjigjen e kësaj zyre.

Por ndër të tjerash sipas tyre në aspektin teknik, Misioni është i përgatitur që të ndërmarrë operacionin e grumbullimit të votave, për t’iu mundësuar personave me të drejtë vote, qasje në zgjedhje.

Zgjedhjet presidenciale serbe do të mbahen me 2 prill ditën e diele të kësaj jave, që i bie se vendimi për këtë gjë tashmë do të ishte zyrtarë.

Shpërndaje në rrjete sociale

Lajmet më të lexuara

Të ngjashme

Foto lajm